Batchcooking modako terminoa da, baina antzina ezaguna: tupper-etan janaria prestatzea. Ez da modan jarri anglizismoa izategatik, baizik eta elikadura- eta energia-onura handiak izateagatik.
Egun bakar batean (edo ordu gutxitan, zehazki esateko) aste osorako janaria prestatzean eta tupper-etan gordetzean datza.
Artikulu honetan horren abantaila batzuk kontatuko dizkizugu.

Elikadura osasungarria

Asteko menua pentsatzeko minutu batzuk hartuz gero, zure elikadura nabarmen hobetuko duzu.
Zergatik?
Askotan, denbora-falta (edo gogo-falta) dela eta, aurrez prestatutako platerak eta janari lasterra jaten ditugu, edo edozer gauza prestatzen dugu denbora aurrezteko, nutrizio-balioan pentsatu gabe.
Baina planifikatu behar badugu eta prestatu izan nahi badugu, elikadura hobea izaten lagunduko digu.

Ingurumenerako laguntza

Zure organismoaz gain, planetak ere eskertuko dizu.
Astean behin plater guztiak prestatzen baditugu, elikagai asko alferrik galtzea saihestuko dugu, hainbat plateretan erabiliko baititugu.
Murriztu egiten da energia-gastua (egoste-denborak, sua, etab.) eta supermerkatuan erosteko gastua.

Aurreztu denbora

Zer dira bi ordu asteburu edo egun libre batean?
Bai, zure asteburuko bi ordu “galduko” dituzu sukaldean, baina ez dituzu galduko asteko gainerako egunetan, eta denbora libre gehiago izango duzu beste gauza batzuk egiteko.

Eta zuk, batchcooking egiten al duzu?